गजल : न सिन्दूरको माग छ यहाँ

न सिन्दूरको माग छ यहाँ, न कुनै बन्धनको कुरा छ,

हाम्रो बीचमा त बस, यो चोखो मनको कुरा छ।

आ-आफ्नो संसारमा खुसी छौँ, कसैलाई गुनासो छैन,
यो त दुई आत्मा पग्लिएर बनेको, एउटा धडकनको कुरा छ।

चाहिँदैन दुनियाँलाई देखाउने कुनै सामाजिक नाता,
लुकेर सित्तल दिने, त्यो छहारी र साउनको कुरा छ।

जिन्दगीका अरू सबै तिता-मीठा त आफ्नै ठाउँमा छन्,
तिमीसँग भेटिँदा मात्र हुने, त्यो मिठो सुकुनको कुरा छ।

संसारले बुझ्दैन यो नाता, यसलाई नाम नदिएकै जाति,
धर्तीले आकाश भेट्न खोज्ने, एउटा मौनपनको कुरा छ।

जुनी-जुनी सँगै जिउने कसम खानु पर्दैन हामीले,

वर्तमानकै हरेक पलमा हराउने, यो महसुसको कुरा छ।

उमेरका पाटाहरू जहाँ पुगे पनि मन त सधैँ जवान रहन्छ,
यो त उमेरभन्दा माथि उठेको, एउटा गहिरो समर्पणको कुरा छ।

मिति : २०८३ भाद्र २९ गते सोमवार 

काठमाण्डौ, नेपाल