ताजा सामाग्री

सन्दर्भ लेख हरु

समाज

Thursday, June 19, 2008

रिम झिम पानि पर्ने वर्षात को रात हजुर

 मिति:-२०६५/०३/०५  बिहिबार !


रिम झिम पानि पर्ने वर्षात को रात हजुर
आँखा भरि आईदिन्छन् संझनाको खात हजुर ।।

जति चिसो बढ्दै जान्छ उति मन पोल्दै जाँदा
एकान्तमा बस्दा पनि गर्न आउने बात हजुर ।।

जोडिएको मुटुलाई तिर हानि फुटाउनेलाई
खै के पो थाहा होला घात प्रतिघात हजुर ।।

स्पर्श को आभाषमा सपना नै टुट्दा पनि
माया पाउनु कता कता रित्ता हुन्छन् हात हजुर ।।

अप्राप्यता भा को भए शायद माया पाँउथे होला
रोजि छाडि हिँड्दा हिँड्दै उनलाई चल्यो मात हजुर ।।

मुस्कानमा मादकता थपे जस्तो गर्दा गर्दै
पछिबाट उठाँउछन् विच्छेदको लात हजुर ।।

-चापागाउ , ललितपुर !
२०६५/०८/२७ को समर्पण मा बाचित !!
Read more ...

आजको यो प्यारो रात तिमिलाई दिँउ लाग्यो

मिति: २०६५/०३/०५बिहिबार !

आजको यो प्यारो रात तिमिलाई दिँउ लाग्यो
बाटुलो मुहार माथि मिठो चुम्बन लिँउ लाग्यो ।।

कता कता विरानो यो भुमि टेकी बस्दा पनि
प्रेमको मिठो उन्मादलाई अन्त गराई दिँउ लाग्यो ।।

जिवन ब्यर्थ जस्तो लाग्थ्यो खै किन किन मलाई
शितलता प्रदान गर्ने जवानिलाई पिँउ लाग्यो ।।

एकान्तमा एक्लै एक्लै पिडा बोकि बसेपनि
तिम्रो आगमनमा मलाई लामो जिवन जिँउ लाग्यो ।।

आधा भरि बनिकन बल्झिएको प्रेमप्याला
सुटुक्कन दिल चोरि पुरै भराई दिँउ लाग्यो ।।
-चापागाउ , ललितपुर !
Read more ...
Designed By Basanta Subedi