ताजा सामाग्री

सन्दर्भ लेख हरु

समाज

Wednesday, July 26, 2006

कुवा को भ्यागुतो र म

मिति:- २०६३/०४/१० बुधबार
सानो कुवालाई बिशाल संसार मान्ने भ्यागुत्तो
हो ! आज पनि भोलि पनि
यहि भनिरहन्छ
संसार सानो छ ! कुवामा सिमित छ !
ट्वार्र ट्वार्र गर्छ थर्काउछु भन्छ
देख्छ सानो संसार
आफ्ना साना आखा हरु ले अनि भनिरहन्छ
संसार सानो छ ! कुवामा सिमित छ !!
उफ्रिन्छ, पछारिन्छ अनि फेरी फर्कन्छ
पर्छ जहाको त्यहीं
कहिल्यै धार्नी नपुग्ने बिचरा भ्यागुत्ता हरु
रोहि रहु, कराइ रहु अनि थर्काइरहु
अनि भनि रहु
संसार सानो छ ! कुवामा सिमित छ !!!
उडिरहेको हवाईजहाज मुनिको छायाँ लाइ
शितलता का लागि प्रयोग गर्ने
त्यसमै हेरेर रमाइरहने एउटा मान्छे
हो ! त्यहि मान्छे हु म
सायद भ्यागुत्तो जस्तै
मलाइ पनि लाग्छ
संसार सानो छ ! कुवामै सिमित छ !
कुवा सानो छ ! दलदल मा भासिएको छ !
आफ्नै परिवेश मा सिमित छ ! संसार सानो छ !!!!
केवलपुर-६, धादिंग !
अन्तराल दैमासिक पत्रिका इलाम बाट २०६३ मा प्रकाशित कबिता
Read more ...

Sunday, July 23, 2006

साँझपख एकान्तमा तिमिलाई भेटुँ लाग्यो

मिति:-२०६३/०४/०७ आइतबार
साँझपख एकान्तमा तिमिलाई भेटुँ लाग्यो
एक आपसको धैर्यताको रेखा मेटुँ लाग्यो ।।

सुन्दर रुपको बखान गरि अँगालोमा बेर्दै
मायाजालको सारङ्गिलाई सँधै रेटुँ लाग्यो ।।

तिम्रो रुपलाई डाह गरि हेरिराको देख्दा
आफ्नै हातले तिम्रो यौवन ढाकि छेकुँ लाग्यो ।।

नयन तिम्रा अश्रुजलले ढाकिएको देख्दा
परेलिको ढकनिमा प्यारो संसार देखुँ लाग्यो ।।

सपनि र विपनिमा तिम्रो यादले रुवाउँदा
मायालुको संझनामा सानो गजल लेखुँ लाग्यो ।।

अन्तिममा तिम्रो माया झुट्टा भन्ने चाल पाँउदा
“बसन्त”लाई  रोई रोई धरतिमा लेटुँ लाग्यो ।।

-केवलपुर , धादिंग !
२०६३/०४/०७ को इसिआर एफ एमको कलापुंज मा प्रशारित
Read more ...

Saturday, March 11, 2006

भावना !!

मिति २०६२/११/२७ सनिबार 
कति थियो यो मन मा तिमीलाई पाउने आशा
आशा जति मारिदियौ पार्यौ सत्यानास
अभागीको खप्पर रैछ जता पनि ठक्कर
मन मनै सुक्ने भयो तिमीलाई पाउने रहर !!
अझै पनि आशामै छु तिमि सामु आउन पाउँ
सधै संगै नभए नि एकै छिन रमाउँ
यहि आशा मनभरी सजाएकै छु नि मैले
आशा लाइ निराशा मा लान लाग्यौ अहिले !!!

-केवलपुर, धादिंग !
२०६३/०१/०२ को ECR Fm को पुस्पांजलि मा प्रसारित !
Read more ...
Designed By Basanta Subedi